Fixpunkt á Internetinum

Til ber, á kort.foroyakort.fo/fixpunkt/, at finna og síggja upplýsingar um fixpunkt.

Síðan kann brúkast á teldu og á snildfon. Á snildfonini opnar tú ein vanligan browsara og skrivar kort.foroyakort.fo/fixpunkt/. Snildfonin er snild at brúka úti, tá tú skalt finna fixpunkt, tí tá ber til, sjálvvirkandi, at zooma inn á staðið, har tú ert stødd.

Neyvastu fixpunktini eru víst við reyðum. Næstbest eru bláu punktini. Um hvørki reyð ella blá punkt finnast í einum øki (FOTM-fixpunkt), ber til at tendra fyri FK89 fixpunktum (lilla og gul fixpunkt).

Til ber at tendra/sløkkja løg við fixpunktum, fáa fram teknlýsing og ymiskt annað - sí mynd niðanfyri.

Til ber at peika á eitt punkt á skermmyndini og fáa ymsar koordinatar og hæddir. Talan er um FOTM, UTM, Geografiskar og FK89 koordinatar. Fyri nógv av punktunum ber eisini til at síggja myndir av fixpunktunum - punkt við sterkum litum hava myndir tilknýttar. Til nøkur av fixpunktunum eru eisini fixpunktskitsur. 

Eisini ber til at síggja og heinta fixpunktslista. Vel "Indstillinger" og "Exporter alt til CSV".